Plantun de Prouvènço

Pèr coumpara dos planto d'encò nostre

Taraxacum rubicundum & Epilobium dodonaei subsp. dodonaei

Pisso-chin(-rouge)

Taraxacum rubicundum

Asteraceae Compositae

Àutri noum : Pisso-chin, Pisso-can, Pisso-au-lié, Mourre-pourcin, Cicourèio-de-prat.

Nom en français : Pissenlit rouge.

Descripcioun :
Lou pisso-chin rouge èi lou mai coumun di pisso-can dóu group ERYTHROSPERMA qu'an li fru rouge, li bratèio banarudo (fotò) e li fueio descoupado e sènso alo. Trachis dins li tepiero secarouso de nòsti colo, sus cauquié. Pèr èstre segur de la determinacioun fau verifia que lis akène fagon de 2,8 à 4 mm.

Usanço :
Li pisso-chin soun de bònis ensalado champanello. Fan pissa e ajudon à la digestioun.

Port : Erbo
Taio : 5 à 20 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Taraxacum
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >5
Ø (o loungour) enflourejado : 11 à 20 mm
Flourido : Printèms Ivèr

Sòu : Ca
Autour basso e auto : 0 à 2200 m
Aparado : Noun
Remarco : Ensalado champanello
Mars à mai

Liò : Tepiero seco - Roucaio - Ermas - Champ
Estànci : Mesoumediterran à Subaupen
Couroulougi : Éuropenco
Ref. sc. : Taraxacum rubicundum (Dahlst.) Dahlst., 1906

Epilobo(-di-fueio-de-roumanin)

Epilobium dodonaei subsp. dodonaei

Onagraceae

Noms en français : Epilobe à feuilles de romarin, Épilobe de Dodoens.

Descripcioun :
Epilobo que trachis en ribo d'aigo e dins lis esboudèu. Se recounèis subretout à si lòngui fueio que dounon d'èr à-n-aquéli dóu roumanin. La subsp. Dodonaei s'atrobo en plano fin qu'à l'estànci mountagnard. Sis estile soun de memo loungour que lis estamino.

Usanço :
Tant se poudrié qu'aguèsse li mémi usanço medicalo que lis àutris epilobo, pamens avèn pas d'entresigne segur pèr aquelo. Li jòuini fueio de la subsp. fleischeri èron acampado à passa tèms en Savoio e mesclado i soupo.